FEBRUARY 9 - HULING KABANATA

Pagkaraan ng ilang linggong pagpapagana sa imahinasyon ng mga barakong mambabasa ng Pinoy Parazzi, dumating na nga sa sukdulan ang erotika-nobelang ‘Ang Babae sa Kanto Tinio’. Aaminin ko na ang katotohanang sa kamay ko muna dumaraan ang mga obrang ito bago dalhin sa imprenta. Trabaho ko na basahin ang bawat yugto para sa maling ispeling o kung ano pa man ang dapat baguhin.

Sa totoo lang, bilib ako sa mga manunulat na nakakagawa ng ganitong klaseng obra. Hindi madali ang paganahin ang imahinasyon ng bawat mambabasa lalo na ang gisingin ang kanilang pangkatauhang senswal sa pamamagitan ng teksto at pagpapagana sa kanilang mga pantasya. Natawa ako na’ng mabasa ko ang titulo ng nasabing kwento. Sa ngayon ay kailangan na nating mamaalam sa limang babaeng nakasalamuha ng ating bida sa Kanto Tinio.